اليك سيدتى طرق التخلص من المسامات الواسعة

img

كتير مننا بيعاني من المسامات المفتوحه و في اللي بيستخدم منتجات تجارية وفي اللي بيستخدم طرق طبيعيه بس الأهم الاستمرار على الطريقة

وهناك طرق تساعد على علاج المسامات الواسعة

الطريقة الأولي : مكعبات التلج والغسول
مهم جدا استخدام الغسول بشكل يومي لانه بيساعد علي التخلص من الدهون المتراكمة داخل المسام واللي بتتسبب بتوسيع حجمها وتراكم الجراثيم وبعد الانتهاء من الغسول هاتي تلجة ومرريها علي وشك لتضييق المسام واخفائها ..
الطريقة التانيه : ماسك التفاح والليمونوده بيساعد علي تصغير حجم المسامات وتقشير الخلايا الميته وده بتجيبي معلقة شوفان ومعلقة زبادي وتخلطيهم مع بعض وتضيفي عليهم معلقتين ليمون ومعلقة من بشر التفاح وتخليطهم كلهم كويس اوي مع بعض وتفردي علي وشك ورقبتك لمدة 20 دقيقة وبعد كده تعسلي بماية دافية ..

الطريقة الثالثة : خل التفاح
الخل بيحتوي علي مواد قابضة للمسام وده هيساعد علي تضييق وتصغير حجمها وده بتستخدمي نصف مقدار الخل قصاده بالظبط نفس المقدار من الماية وتجيبي قطنة وتمسحي بشرتك بالمحلول ده وتكرري اكتر من مرة لحد ماالبشرة تتشرب المحلول وركزي عالاماكن اللي فيها مسامات واسعه وبعد كده اغسلي وشك بماية فاترة..

الطريقة الرابعه : الماسك الثلاثي
والماسك ده عبارة عن العسل لترطيب البشرة ونضارتها والنشا لشد البشرة واخفاء المسام بالاضافة لماء الورد كعامل اساسي في تضييق المسام هنخلطهم مع بعض باحجام متساوية وتفرديها علي بشرتك وتركزي عالمناطق اللي مسامها واسعه وتسبيه لحد ماينشف خالص وبعد كده تدعكي وشك براحه من فوق لتحت وتغسلي وشك بماية دافية وبعد كده بقطنة فيها ماية ورد امسحي وشك وسبيه ينشف ..

الكاتب abdullah shoear

abdullah shoear

مواضيع متعلقة

اترك رداً